PARAFRENARIUS

PARAFRENARIUS

vox medii aevi, Gall. Palefrenier, Ital. Palefreniere, Equiso, qui palafridos seu equos curat, seu etiam qui stabulis Regiis aut Principis praeest. Apud Continuatorem Guil. Nangii ad A. C. 1378. id officii in Aula Francica notat,

quod post modum Magni Franciae Scutiferi dictum est. Est autem Palafrenus apud Ott. Morenam Histor, Rer. Laudensium p. 38. idem cum Palafrido et Palafredo, item Palefredo, apud Gall. Palefroi, cheval de service, designat que equum gradarium et pompae causâ ali solitum: quae omnes voces ex Paraveredus corruptae sunt, vide infra in Paraveredi.